arabian ghosts
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

arabian ghosts

it is a comprehensive forum talks about every thing
 
الرئيسيةالبوابهس .و .جبحـثموقع رفع الصورالتسجيلدخول
{ الى جميع اعضاء منتدى arabain ghosts ارجوا تغير المتصفح من Internet Explorer الى Mozilla Firefox او opera او google chrome حتى تتتمكنوا من متابعة المنمتدى و لا تقف الصفحة عند جزء ما و لاتسطيعوا التصفح }

شاطر | 
 

 تشكيله لذيذه 2

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hesho_16
ghost ra2es
ghost ra2es


ذكر
العمر : 23
تاريخ الميلاد : 06/08/1993
الاسد الديك
عدد الرسائل : 262
الوظيفة : طالب
الهويات : كرة القدم - النت
البلد :
تاريخ التسجيل : 27/09/2008

مُساهمةموضوع: تشكيله لذيذه 2   الأحد نوفمبر 09, 2008 11:34 pm

بلدينا اشترى راديو حط حجرين المذيع اتسطل

ساعاتي بيصلح ساعة العقارب قرصته

نجار نفسه انكسرت سمرها

بلدينا شرب القهوة الكراسي وقفت في زوره

نجار مراته تغسل و هو ينشر الغسيل

المزين خلص الزباين و قال لبلدينا اتفضل عشان تحلق قال له انا مش جاي احلق انا طلعت عند البيه الانسة قالتلي استناه في الصالون

اقرع حب واحدة ماعرفش يعبر لها عن شعوره

سواق تاكسي ماشي في الزحمة داس على واحد و نقل عالتاني

سواق تاكسي كسر يمينه جبسه

سواق تاكسي داس بنزين موته

سواق تاكسي ضرب فرامل اغمى عليه

واحد راح يوكل محامي لقاه صايم

بلدينا ماشي على كوبري اللمون فعصه

سباك نفسه اتسدت غرقت الشقة

بلد ينا شاف واحدة لابسة جزمة بيضة حب يعاكسها قال لها ليلتنا زي الجزمة

واحدة اتجوزت جنايني مقطوع من شجرة

اتنين كمسرية قابلوا بعض واحد بيقول للتاني وديت ابنك فين السنة دي قال له وديته الروضة قال له و هاتوديه فين السنة الجاية قال له المنيل.

واحد قابل واحد صاحبه لقاه متجوز واحدة تخينة قوي قال له يا راجل حد يتجوز واحدة بالتخن ده قال له اعمل انا اتقدمت لابوها حبيت اطلب ايدها اداهاني كلها.

واحد مسطول شد حيله اتقطع

عسكري صعيدي ماسك واحد حرامي رايح يسلمه في المديرية فالحرامي جه في السكة قال للعسكري ممكن يا شاويش اروح اجيب سجاير من الكشك اللي هناك ده العسكري امممممم عايز تهرب مني خليك انت هنا و انا اروح اجيبها لك.

واحد قابل صاحبه سأله على خطيبته و اخبارك ايه و اخبار الخطوبة ايه قال له اسكت مش اتفسخت الخطوبة و العملية مانفعتش قال له انت ماقلتلهاش ان عمك غني قال له قلتلها قال له و بعدين قال له بقت مرات عمي.

تاجر مخدرات المباحث بتطارده هو يجري و المباحث ورا منه هو يجري و المباحث ورا منه هو يجري و المباحث ورا منه راح دخل محطة مصر طلع فوق القطر المباحث ورا منه القطر ده كان رايح اسكندرية هو قام ماسك الحشيش و راميه في مدخنة القطر , القطر راح لندن.

واحد جاب لمراته راديو فيليبس راح الشغل و رجع لقى مراته مطلعة مصارين الراديو برة و مفتفتاه حتة حتة قال لها ليه يا ولية كده قالت له اسكت مش لاقية ولا حتة مجاسي.

واحد مسطول لف الكورة الارضية في سجارتين

لاعب كورة عنده بيت عايز يهده جاب له خمسة من المقاولين العرب

ديكين بيتخانقوا مع بعض واحد بيقول للتاني ما تيجي نروح السيما و التاني بيقول له لا تعالى نروح المسرح طلع لهم ديك تالت قال لهم لا سيما ولا مسرح احنا نروح الجمعية فيها فراخ عريانة

5000 من بلدياتنا راحوا يقدموا على وظيفة جماعية في التلفزيون المسؤلين سألوهم تشتغلوا ايه قالولهم بعد ما يجفل التلفزيون و يشبطب بنجول وشششششششششششش

اتنين بلدياتنا راكبين مع سواق اجرة كل شوية يحرك الفتيس ادامهم فالسواق نزل يجيب علبة سجاير راحوا خلعينله عصاية الفتيس قال لهم ايه اللي انتم عملتوه ده جالوله شفناك عم تلخلخ في العصايا دي جلنا نشيلهالك

متهم دخل المحكمة و معاه خمس فتوات القاضي قال له ايه اللي انت جايبهم معاك دول قال له مش انت الجلسة اللي فاتت قلتلي هات معاك الدفاع

جزار ابنه تعب وداه للدكتور الدكتور لقاه ضعيف و رفيع قال لاله روح اوزن ابنك و تعالالي الجزار قال له اوزنه بالعضم ولا من غير عضم

واحد ماشي عالكورنيش لقى واحد بيغرق فراح مطلع الراجل منجيه سمع الناس كلها بيقولوا يا لاسلام داللي يعمل الخير يرميه البحر قام رامي الراجل تاني.

سباك اتخانق مع مراته ضربها بالكوع كسر لها الحوض

راجل رمى اليمين على مراته ماجاش فيها

اتنين مساطيل واحد بيسأل التاني هم الفراعنة بنوا الهرم في اد ايه قال له في عشرين سنة قال له ياه ده كتير اوي قال له اصل كانوا كل نا يرصوا حجرين المباحث تيجي تشدهم

اتنين مساطيل دخلوا محل حلويات واحد قال للتاني تحب تاكل ايه قال له اكل لقمة القاضي لا يا عم لحسن يحبسنا

راجل بلدينا عايز يعدي شريط القطر بالطول

واحد دخل حمام افرنجي اخد معاه مترجم

بلدينا اشترى تاكسي الدركسيون يمين هرى اللي جنبه تفافة

بلدينا بيصيف اتصور صورة للمايوه و بعتها البلد بعتوله هدومه

بلدينا راح للدكتور الدكتور قال له اعمل اشاعة خرج يقول الهرم وجع الهرم وجع الهرم وجع

غفير حب يطخ مشوار استخبى في الذرة

مدرس بيسأل تلميذ صعيدي ممكن تقوللي اسم بيبدأ بالالف قال له امحمدين

غفير عامل عيد ميلاده الخمسين جاب تورتاية و حط فيها خمسين شومة

صحفي عيي راح للدكتور لقى عنده عرق المساء

واحد بقال عنده صبي غبي اوي كل ما حد يقول له عندك جبنة يقول له ماعنديش عندك بسطرمة ماعنديش فجه صاحب المحل قال له يابني انت هاتوقف حالنا لما يجيلك زبون يطلب حاجة مش موجودة بيع له قول له فيه كذا يقول لك فيه حلاوة مافيش حلاوة قول له فيه جبنة مافيش جبنة قول له فيه سلامون يعني اتصرف فالراجل راح مشوار و ساب الواد لوحده في المحل و جه واحد قال لهة عندك ورق تواليت قال له فيه صنفرة

قهوجي اتجوز مراته خلفت تفل

قهوجي اشترى عربية طلع كراسيها برة

واحد حشاش راح يكشف على صدره الدكتور حط السماعة على صدره و قال له خد نفس قال له هات الجوزة

واحدة وحشة بتقول لجوزها تحب اظهر لمين و استخبى من مين قال لها اظهري لكل النلس و استخبي مني انا
الرجوع الى أعلى الصفحة اذهب الى الأسفل
http://ar-gh.forumotion.net
 
تشكيله لذيذه 2
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
arabian ghosts :: منتدى الترفيه :: منتدى النكت و الفوازير و الضحك-
انتقل الى: